Ceerigaabo: Dugsiga Sare ee XaaJi Aadan Oo Lagu Daray Qayb Lagu Barto Information Tech.
Ceergaabo(SanaagNews)-Xarun cusub oo loogu magacdaray {X.Aadan Multi Service Center} ayaa dhowaan laga furay Magaalada Ceerigaabo
Xaruntan cusub ayaa noqonaysa mid hoos timaada Maamulka Dugsiga sare oo ku taala Badhtamaha Magaalada Ceerigaabo ayaa waxaa hirgelinteeda iska kaashaday Maamulka dugsiga sare ee XXaaji Aaadan, Wasaarada Waxbarashada iyo Gudiga Horumarinta Gobolka,
waxayna ardayda dugsigaasi ka barandoonaan qaybaha kaladuwan ee Cilmiga Computerka iyo weliba Adeegyo kale oo kala duwan oo loogu talo glay in kor loogu qaado tayada Aqoonta ardayda waxka barta dugsiga
waxaana qalabka ay xaruntasi ku shaqaynayso hore ugu deeqay Jaaliyada Reer Sanaag ee Debeda ku dhaqan
qalabkaasoo isugu jireyMini-Bus Computero iyo qalabka loo isticmaalo Laabka dugsiga
iyo weliba qalabkale oo kala duwan oo ardayda ka caawinaya xirfadahooda aqooneed sida Chemicals aad u fara badan
waxaana xaruntaa laga furay badhtamaha Magaalada oo aad uga fog dugsiga sababta oo ah korontada oo aan la gaadhsiinkarayn Xarunta Dugsiga. Dugsiga Xaaji Aadan oo ah Dugsiga ardayda ugu badani dhigato ayaa waxaa jira Dugsiyo kale oo Magaalada ka furan , inkastoo kuwaasi yihiin kuwo gaar loo leeyahay.
Isku soo wada Duuboo dhowaanahan waxaa Magaalada Ceergaabo ee Xarunta Gobolka Sanaag ka socday Dedaalo aad u fara badan
oo ay ku baraarugeen dadka ku dhaqan magaaladaasi, inay wax qabsadaan intii ay cid kale sugi lahaayeen , waxaa ilaa haatan wax laga qabtay ama dedaaladoodu socdaan
iyado aan la dhamays tiri karin baahiyaha gobolka ka jira Sida Biyaha , Caafimaadka oo laga dhisay Cusbitaal casri ah, iyo dabcan Waxbarasho ila aheer Jaamacadood leh
Iyadoo inbadan la hadal hayay in Dadka Qurba joogta Reer Sanaag meel wayn hawlaha iskaga beegi doonaan ayan ilaa haatan laga hayn taageero wax ku oola marka laga yimaado Qalabka haatan lagu hirgaliyay Xarunta Xaaji Aadan Multi Service Center.
Weriye Siciid Axmed Tamreyse
Email: sanaag74@hotmail.com
Ceerigaabo Sanaag Somaliland.
