(Garoowe) 29.3-10 Wararka naga soo gaadhaya magaalada Garoowe ayaa waxa ay sheegayaan in maxkamada darajada koowaad shalay la soo taagay askari lagu magacaabo Bile C/laahi Geele oo ka soo jeeda SSC ,
ninkan oo lagu soo eedeeyey in uu ka danbeeyey dil ka dhacay magaalada Garoowe, kaas oo loo gaystay xildhibaan ka tirsanaa golaha wakiilada Puntland.
Wararku waxay intaasi ku darayaan in markii la dhagaystay eedaymaha uu soo jeediyey xeer ilaaliyaha degmada Garoowe Maxmed Xasan ee lagu haysto ninkan , uu qaadigii codsaday markhaatiyada ninkan muduciga ku ah, dhacdadan oo loo hayey nin markhaati ah ayaa waxa dhacday in uu qaadigii ka codsaday ninka markhaatiga ah in uu kitaabka ilaahay ku dhaarto in uu sheegi doono wixii ilaahay ku ogyahay.
Markhaatigii ayaa dhaarta ka dib sheegay, in aanu ogayn wax fal ah oo uu geystay ninkan eedaysanaha ahi, wuxuuna sheegay in nin goobta(maxkamada) fadhiyaa u geeyey madaxweynaha Puntland C/raxmaan Faroole , halkaasna lagu siiyey 200 oo dollar ka dibna ninka Nuur Salaad lagu magacaabaana uu siiyey 10milyan si uu markhaati beenaale ugu furo, isaguna baahi haysay awgeed uu lacagtaas qaatay, kitaabkana uu ka gudbi kariwaayey runta sidaasi ku sheegay.
Isla markiiba buuq iyo sawaxan ka dhacay maxkamada ayaa waxa uu keenay in ninkii markhaatiga ahaa , lagu eedeeyo Aflagaado madaxweyne , ka dibna la xidhay ,Xeer ilaaliyuhuna codsaday in 10 sanno oo xadhiga lagu xukumo ninka aflagaadeeyey madaxweynaha Puntland , taasina ay keentay in ninkii markhaatiga ahaa iyo eedaysanihiiba qaadigu amray in la xidho oo xabsiga lagu celiyo.
That area will be a very very dangerous place to live wallee...That means Somali waa ba'day..