BARR AMA BARRO TAARIIKHDII CADAADISKII SHACBIGA SOMALILAND
Hargiesa 2007
British P.Minster
Welcome Party
Hargeisa Univ
Hargiesa 2006
S/Land-Aljezera
Hargeysa (SDWO 07/04/2010) Shirkada Dahabshiil, ayaa ciidanka ilaalada ka ah xarumaheeda magaalada Hargeysa tu soo gebogabeeyey ababar kor loogu qaadayo aqoontooda dhinaca sugida ammaanka, kuwaas oo shahaadooyin la gudoonsiiyey
Tababarkan oo ay ka qabgaleen 40 ka mid ah ciidanka ammaanka ee ka shaqeeya xarumaha Dahabshiil ee Hargeysa, isla markaana socday muddo 12 maalmood ah, ayaa galabta lagu soo gebogabeeyey xaflad shahaadooyin lagu guddoonsiinayey oo lagu qabtay xarunta shirkada Dahabshiil ee caasimadda Hargeysa, taas oo ay ka qaybgaleen masuuliyiin ay mid yihiin Maareeye-ku-xigeenka Shirkada Dahabshiil Axmed Warsame Ducaale, Madaxa ciidanka ammaanka ee shirkada Sheekh Saleebaan Muuse Xasan, Madaxa suuqgeynta shirkada Faarax Bootaan iyo masuuliyiin kale oo ka socday shirkada
Madaxa ciidanka ammaanka ee shirkadda Sh. Saleebaan Muuse Xasan oo ka hadlay, ayaa ka waramay ujeeddada tababarkaas loo qabtay oo uu ku tilmaamay mid kor loogu qaadayo tayada ammaanka ee ciidanka ka hawlgala xarumaha Dahabshiil.
“Tababarkani waxa uu socday muddo 12 maalmood ah, waxaana loo qabtay oo ka qaybgalay 40 xubnood oo ka mid ah ciidanka ammaanka ee shirkada Dahabshiil uga shaqeeya xarumaha kala duwan ee magaalada Hargeysa, ujeeddada aanu ka lahayn tababarku wuxu ahaa in aanu kor ugu qaadno tayada iyo aqoonta shaqaalaha ammaanka oo hawl muhiim ah u haya shirkada iyo dadweynaha macaamiishayada ah, si aanu u suurtogelino in wada shaqayn iyo is faham buuxaa na dhex maro macaamiisha Dahabshiil,” ayuu yidhi Sh. Saleebaan Muuse
Mr. Cabdiqani Ciise oo ah macalinkii bixinayey casharada tababarka la siiyey ciidanka oo isna xafladaasi ka hadlay, ayaa faahfaahin ka bixiyey noocyada duruusta ay barteen ciidanka ammaanku, sababaha keenay iyo waxtarka ay yeelan doonaan.
“Tababarkani wuxu ku saabsanaa nabadgelyada, gaar ahaan kaabayaasha nabadgelyada (Security Building Capacity), waxay barteen sagaal cutub, waxa ka mid ahaa casharadii ay qaateen baadhitaanka oo dhowr nooc u qaybsama, la dagaalanka dabka, nidaamka loo ilaaliyo nabadgelyada, gudbinta warbixinaha, la xidhiidhida madaxda nabadgelyada, la macaamilka macmiisha iyo sida loo sameeyo roondada,” ayuu yidhi Mr. Cabdiqani.
Macalinku waxa uu si weyn ugu mahadnaqay dhammaan ka qaygalayaashii tababarkaas oo uu sheegay in muddadii uu socday ay si fiican uga qaybgaleen.
Maareeye-ku-xigeenka Shirkada Dahabshiil Axmed Warsame Ducaale oo xafladaasi soo gebogabeeyey, ayaa ka hadlay faa’iidada nabadgelyada iyo qiimaha gaarka ah ee sugideedu u leedahay shirkadda Dahabshiil.
Isagoo arrimahaa ka hadlayeyna waxa uu yidhi, “Markiina horeba boolis baad ahaydeen, laakiin waxa la idiin tababaray in aqoontiina la sii kordhiyo, waxa la doonayay in aad noqotaan qof wada indho ah, tababarada noocan ah waa la idiin joogtayn doonaa, waxa loo baahan yahay wixii la idin baray in aad camal u rogtaan. Dadku inta badan waxay askariga ka aaminsan yihiin adayg, laakiin askariga Dahabshiil joogaa wuu ka duwan yahay sidaas, waayo waxad la macaamilaysaa waa dadweyne macmiil u ah shirkadda. Shirkaddu idinkay idinku seexatay ee ha seexanina oo ka midho dhaliya wixii la idin baray, insha Allah muddo marka la joogaba mar baa la idiin qaban doonaa siminaar kan oo kale ah.
