SULDAAN SICIID SULDAAN CABDISALAAN OO SOO GAADHEY MAGAALADA NAIROBI EE DALKA KENYA
Thursday, 11 November 2010 07:03
Suldaan Siciid C/Salaan Maxamuud Ali Shire oo ah Suldaanka Beelaha deegaanka Maakhir,Hayland,Sanaag iyo Bari ayaa Maanta Abaara 5:30- Galin danbe soo Gaadhay Magaalada Nairobi ee dalka Kenya,Soo dhawaynta Suldaanka waxa ka qayb qaatay Jaliyadaha Kenya ee Reer Maakhir.
Waxana Garoonka dadkii ugu Tegay ka Mid ahaa Siciid Daahir Bootaan oo ah Ganacsade Somaliyeed halkaasina ku soo dhaweeyay,Nabadoon C/laahi Goobe, Saalah Bolaxan iyo Dad kale oo aad u Fara badan.
Suldaanka ayaa loo soo Galbiyay Hotel loo Qoondeeyay kaasi oo ah Mid si Heer Sare ah loo Habeeyay, Suldaanku Wax Waraysi ah Jaliyadaha ma siin Sababa la xidhiidha Suldaanka oo aad u Daalanaa Madaama uu Safar dheer soo Galay Hase yeeshee Maalinta Bari ah hadii eebe Idmo ayaa Laga Yabaa inay Kala War qaataan.
Ilo Wareed ayaa sheegaya inuu Suldaanku UK u dhoofayo 27- Bishan isla markaana uu ka qayb Galayo Shir ay soo qaban qaabiyeen Urur Nabada Somaliya u Olaleeya oo ay ku Midaysan Yihiin 18-Gobol.
GalGalanews:- Waxay ka Cududur Daaranaysaa inay Faafisay War Maalintii Shalay, Nov,09-2010]Warkaasi oo ahaa in Suldaanku ka qayb Galayo Shir Somaliland Lagu Ictiraafo hase Ahaatee waxa warkaasi Beeniyay Koox sheegtay inay Casuntay Suldaanka oo UK iyo Meelo kale Kala soo xidhiidhay Tifaraha Bogan.
Sida la sheegay Jaliyadaha Maakhir ee Kenya ayaa Suldanka la Qaadaynaysa Munaasibad Qada Sharaf ah si Xaalada Guud ee dalka Layska Warayso iyo Tuhunka Laga qabo Shirka deg deg ah ee Suldaanka Looga Yeedhay UK Gaar ahaan Lodon.
Source:-GalGalanews
