Culimaa’udinka ku dhaqan degaanada Puntland ayaa baaq kasoo saarey dagaal dhowaan ka dhacay degaanka Kalshaale ee gobolka Ceyn kaas oo geystay khasaaro dhimasho iyo dhaawac.
Qaar kamid ah Culimaa’udinka Puntland ayaa kulan ku qaatay magaalada Garoowe ee caasimada Puntland oo ay kaga hadlaayeen dagaalkaas iyagoo sheegay in ay kasoo horjeedaan.
Sheikh Cabdulqaadir Nuur Faarax oo kamid ah Culimaa’udinka ugu waaweyn ee Puntland oo maanta la hadlaayay Saxaafada ayaa sheegay in ay aad uga xunyihin dagaalkaas,iyagoo ku baaqay in dib uusan usoo noqon.
Sidoo kale wuxuu sheegay in ay ugu baaqayaan labada dhinac ee dagaalamay in ay joojiyaan dagaalka isla markaana xil adag iska saaran in uusan dagaalka dib uusan noqon.
Sheikh Cabdulqaadir ayaa sidoo kale tilmaamay in kharash badan uu ku baxaayo dagaalka isagoo codsaday in dhibta soo gaaraya dadka degaanka laga dulqaado.
Dagaalkii ka dhacay degaanka Kalshaale ayaa waxaa ku dhintey ugu yaraan saddex ruux,waxaana uu ka dambeeyey kadib markii Ciidamo ka tirsan maamulka Somaliland ay weerar kusoo qaadeen halkaas.
Maxamed Siciid Yuusuf
Wakiilka Horseed Media
Garoowe,Puntland
