Weriye Cabdi Raxmaan Yare oo ku sugan Dhoobley ayaa goordhaw noo xaqiijiyay in ciidamada Mujaahidiinta galeen Saldhig ay dhawaan hareeraha Diif ka sameysteen maleeshiyaadkii Kenya lagusoo anshax xumeeyay ee daacadda u ahaa Axmed Madoobe.
Guutooyin katirsan Mujaahidiinta oo shalay gelinkii dambe lagu xoojiyay aagga Diif ayaa si kedis ah u dul degay saldhigga Maleeshiyaadka taasi oo sababtay in xalay saqdii dhexe ay guureeyaan maleeshiyaaka Kenya taabacsan.
Qaniimooyin u badan hub iyo saanado dagaal ayaa saaka lagasoo daldalayaa saldhigyada lagala wareegay maleeshiyaadka.
Saraakiisha mujaahidiinta ee Diif gaarey ayaa isugu yeeray shacabka waxaana lafilayaa in saacadaha soo socda ay halkaasi ka dhacaan Dibad baxyo lagu taageerayo Mujaahidiinta ayna Khudbado ka jeedin doonaan mas'uuliyiinta wilaayada Jubbooyinka.
Isgaarsiintii Diif ayaa dib usoo laabatay waxaana fashil kusoo dhamaaday isku day duulaan ah oo lagu doonayey in lagu arbusho ku dhaqanka shareecada Islaamka ee Jubbooyinka ka hana qaaday.
Axmed Madoobe ayaa dhawaan sheegtay mas'uuliyadda madaafiic lagu garaacay xaafado shacabku deganyihiin oo Dhoobley ku yaal arrinkaasi oo sababay in shacabku hubka u qaataan sidii ay u Eryi lahaayeen shareeca diidyada Kenya soo abaabushay.
