Galdogob (RBC Radio):- Isbitaalka guud ee degmada Galdogob ayaa maanta markale dib loo furay kadib in muddo ah oo uu isbitaalkaasi xirnaa.
Xaflad si weyn loo soo agaasimay isla markaana ay ka soo qeybgaleen mas’uuliyiin ka socota Golaha Wasiirada iyo Golaha Baarlamaanka Puntland ayaa loo sameeyay furitaanka Isbitaalka guud ee degmada Galdogob ee gobolka Mudug.
Isbitaalka ayaa hadda kadib si toos ah u shaqeyn doona, waxaana maanta lagu dhawaaqay in Isbitaalka guud ee degmada Galdogob uu furan yahay isla markaana shacabka magaalada Galdogob ay si toos ah uga faa’ideysan doonaan adeega caafimaad ee uu bixinayo.
Wasiirka Cadaalada iyo Garsoorka ee dowladda Puntland C/khaliif Shiikh Xasan Ajaayo iyo Wasiir xigeenka Caafimaadka Puntland Maxamed Xirsi Ducaale, xubno ka tirsan Golaha Baarlamaanka Puntland iyo mas’uuliyiin kale oo farabadan ayaa hadalo ka jeediyay furitaanka Isbitaalka guud ee degmada Galdogob.
Wararkeena dambe kala soco faahfaahinta warka furitaanka Isbitaalka iyo Sawiradaba.
RBC Radio.
