Washington: Xaflad ay qolyaha Somalidiidka u ololeeyaa ku lahaayeen Washington DC, Maraykanka ayaa baaqatay, kadib markii ay ka baqeen ka qaybgalayaashu in halkaasi ay ugu yimaaddaan waaxda socdaalka Maraykanka (immigration authority) oo la sheegay inay halkaasi ku soo wajahnaayeen ka dib markii ay ogaadeen in dadka halkaasi ugu dabbaal degayey Somaliland, ay si been abuura sharciga ugu qaateen qabiillo kale oo Soomaaliyeed.
Mid ka mida saraakiisha socdaalka oo su’aal la weydiiyey ayaa wuxu yiri: “if Somaliland is doing so well, why the hell these people commited fraud by using fictitious names and tribes.” oo tarjumaddeedu tahay, haddii Somaliland tahay meel barwaaqo ka jirto, waa maxay sababta dadkani u gelayaan musuqa iyagoo isticmaalaya magacyo iyo qabiillo beena.
Sida warku nagu soo gaadhayo, waxa halkii xafladdu ka dhici lahayd lagu arkayey oo qudha nin la yiraahdo Mawliid, oo dawladda Itoobiya qunsul uga ah safaaraddeeda, ninkan oo asal ahaan ka soo jeeda Waqooyi Galbeed Soomaaliya, ahaana mid ka mida qabanqaabiyayaasha xafladdaas. Xafladdaas ayaan dhicin waxana keentay cabsida la soo deristay ka qayb galayaasha. Xafladdan ayaa loogu dabbaal degayey maalinta ay sheegaan Somaliland inay ka go’een Soomaaliya inteeda kale.
Guud ahaan, Soomaalida ayaa isku dhiibta qabiillo kala duwan, iyadoo aan kala sooc lahayn, waxana sida la sheegayo waaxda socdaalka meesha soo geliyey, warbixinno ku taabsan taageero ay Somaliland siiyo kooxaha argagixisada ah ee koonfurta Soomaaliya ka dagaallama.
