Here's the article in somali:
Cabista Khamriga ayaa kusoo badanaysa Magaalooyinka ugu waaweyn Soomaaliland wakhtiyadan dambe, wararku waxay sheegayaan in ay jiraan rag ganacsato ah oo ku hawlan keenista Khamriga iyadoo baabuur waaweyn uga soo daabulaan wadanka Itoobiya oo xuduud aan cidina waardiyayn la leh Dalka Muslimka ah ee Soomaaliya. Markii ugu horaysay ee la dareemay in khamri ka soo galo dhanka Itoobiya waxay ahayd sanadkii 2000 markaas oo suuqyada iyo baraha koontaroolada Somaliland askarta ka shaqaysa ay hadal hayn weyn ka jirtay dhexdooda taas oo ah in Khamri bilaa sharci ah lasoo galiyo dalka. Intaa wixii ka dambeeyay maalinba maalinka xiga waxaa la dareemayay in khamrigu u sii gudbayo ilaa tuulooyinka iyo hotelada magaalooyinka ku yaalla. Manata xaalada khamriga ayaa maraysa in xitaa Aroosyada qaar lagu casuumo dadka ka soo qayb gala arinkaasi oo caan ka noqday magaalooyinka waaweyn ee Somaliland sida Hargaysa, Burco , Berbera iyo kuwo kale oo badan.
Dhalinyarada ku nool Waqooyiga Soomaaliya ayaa dhibta ugu weyn ku qaba Khamriga iyadoo laga wada dharagsan yahay dhibaatada Khaatku ku hayay da’yartaas, dadka isticmaala Khamriga ayaa u badan Siyaasiyiinta, Hay’adaha deggen dalka iyo Dhalinyarada soo koraysa oo iyagu ah kuwa ugu badan ee isticmaala. Xilliyada dambe habeenkii marka aad socoto Suuqyada ama hoteelada qaarkood hortooda waxaad arkaysaa dhalinyaro Cabsan oo wadada dhac dhacaya.
Dhibaatooyinka uu ku hayo shacabka Khamrigu waa kuwo aan la soo koobi Karin waxaase ugu daran in inta badan ay is dilaan dhexdooda oo ay inta cabbaan rasaas oodda isaga qaadaan, qoysaska oo ku burburay iyo akhlaaqdii Islaamka oo gabi ahaanba meesha ka baxday gaar ahaan waxaa fudud in aad aragto in ruux cabsan oo habeenkaa oo dhan caayaya Nabigeenna Muxammed scw iyo Allah swtc.
Culumada ku nool Waqooyiga gaar ahaan Jamaacada Ictisaam kuwa ka tirsan ayaa Khubadaha Jimcaha kaga hadla mar mar iyagoo ka cabta in khamrigii uu siyaadayo ama uuba faraha ka baxay sidoo kale waxaa Gobolada Waqooyiga ka hawl gala Guddi la yiraahdo Wanaag farista iyo Xumaan reebista kaas oo noo caddeeyay in dhawr jeer ay qabteen dukaamo lagu iibsho Khamriga ayna xabsiga u taxaabeen dadkii iibinayay markii aanu waydiinay maxaad sharciga Islaamka ugu xukumi wayseen dadka aad ku qabateen khamriga waxay noogu jawaabeen in aysan awood u lahayn ee iyagu marka ay qabtaan dadka Khamriga iibiya iyo kuwa cabsan in ay dawlada ku wareejiyaan oo iyadu ku xukunto wixii ay doonto meeshana looga dhaqmo Dimuquraadiyad.
Guddiga Wanaag farista ayaa noo iftiimiyay in askarta la shaqaysa ay lacag siiyaan si ay ula soo qabtaan Zaaniyiinta, Kuwa Khamriga cabba ama iibsha lacagtaana ay ka uruuriyaan dad weynaha ku nool Waqooyi Galbeed balse waxaa su’aal ah haddii sharciga allah aan lagu xukumayn dambiilayaasha ma banaantahay in lacag laga uruuriyo shacabka Muslimka ah? Maxaase ka soo kordhay oo wanaagga maadaama ay caddahay manta in Khamrigii uu faraha ka baxay oo tuulooyinka gaaray?.
Maandooriyaasha Khamrigu ka mid yahay waxaa sahlay in umadda ku dhex faafo waa in uu helay xukuumad aan oofinayn xuduuda Islaamka waliba ku raali galaynaysa reer galbeedka in ay dabaqdo Dimuquraadiyadda si barax la haddiise la heli lahaa dawlad Islaami ah ama Maamul Islaami ah maalmo yar ayuu ku suuli lahaa Khamriga iyagoo allah ku addeecaya gaalona aan kaga cabsanayn.
