Ciidamada Xoogga dalka Soomaaliya oo kaashanaya kuwa Nabad ilaalinta midowga Africa ee AMISOM ayaa goordhow si buuxda u xaqiijiyay gacan ku haynta dagmada Warshiiq ee Gobolka Sh/Dhexe.
Howlgan qorsheysan oo ay saakay bilaabeen ciidamada XDS iyo kuwa AMISOM ayaa waxaa u suurta gashay in ay gacanta ku dhigaan dagmada Warshiiq oo ka tirsan gobolka Sh/dhexe halkaas oo ay horay ugu sugnaayeen kooxdii awoodooda la wiiqay ee shabaab.
Ciidamada la wareegay warshiiq ayaa waxa ay ka ruqaansadeen deegaanka Ceel macaan ee duleedka magaalada Muqdisho halkaas oo ay mudooyinkii la soo dhaafay ay ku sugnaayeen ciidamada dowladda oo si awood leh uga saaray shabaab.
Wararka laga helayo dagmada Warshiiq ayaa waxa ay sheegayaan in dagaal aan badneen uu ka dhacay duleedka dagmadaasi halkaasna ay iskaga baxeen shabaab kadib markii ay u babac dhigiwaayeen awooda ciidamada Dowladda.
Ciidamada ayaa isku balaariyay dagmada Warshiiq waxa ayna ka sameeyeen baaritaano dag dag ah si loo xaqiijo amaanka dagmadaasi maadaama laga saaray shabaab.
