Subaxnimadii hore ee Maanta ayaa garoonka diyaaradaha ee Magaalada Cadaado waxa ka dhoofay ku dhowaad 60-ruux oo ka mid ah Xujaajta sanadkan soo gudaneysan waajibaadka Xajka oo ka mid ah arkaanta islaamka.
Xujaajtan maanta ka dhooftay garoonka diyaaradaha ee Magaalada Cadaado oo ah dufacadii ugu horeysay oo laga qaado Gobolada Dhexe ee Soomaaliya ayaa ka kala yimid deegaanada hoosyimaada Maamulka Ximan iyo Xeeb iyagoona si nabad ah uga anbabaxay Goraanka diyaaradaha ee Magaalada Cadaado si ay soo gutaan mid ka mid ah arkaanta islaamka.
Habada ka hor intii aysan Xojaajtan ka anbabixin Magaalada Cadaado ayaan qaar ka mid ah Mikirifoonka la dhex qaaday iyagoona sheegay inay ku faraxsan yihiin Soo gudashada Waajibaadka Xajka waxayna dhinaca kale Allah uga baryeen in Soomaaliya uu ka dul qaado dhibaatada hada kajirta uuna ugu belelo dowlad Caadil ah oo dalka shareecada islaamka ku xukunta.
Madaxa Xafiiska Shirkada Jubba ee Xujaajtan ka qaaday Magaalada Cadaado Careys Sheekh Maxamuud oo warbaahinta kula hadlay Xafiiskiisa ayaa ka codasaday Dhammaan Xujaajta Muslimiinta ah ee Sanadkan soo gudaneysa Xajka inay Soomaaliya u soo duceeyaan si dhibaatada ay uga baxdo isagoona u doceeyey xujaajta in allah uu ka aqbalo Xajkooda.
Xujaajtan Maanta ka anba baxay Magaalada Cadaado ee ku sii jeeda Magaalada Barakeysan ee Maka Al-mukarama ee Dalka Sa’uudi aribiya si ay u soo gutaan waajibka xajka ayaa ah tii ugu horeysay ee ka dhooftay Garoonka diyaaradaha ee Magaalada Cadaado.
http://www.goboladaradio.com/?p=4172
