Nin Aways la odhan jiray oo degenaa xaafadda Boondheere Muqdisho, ayaa wuxuu ka mid ahaa dhalin-yarada kubadda sharadka ku gasha badda qoorigeeda lagu ciyaaro.
Haddaba maalin maal-maha ka mida ayaa Aweys kooxdiisii ku guulaysanaysaa sharadkii, 1-0 goolkaasna waliba Aweys ayaa kooxdiisa u dhaliyay...
Aweys xilliyadii hore kubadda nin soo gala muu Bakiinka ayaa lagu ilaawi jiray, (bench-ga) maalintana nasiib ayuu kusoo galay, oo koox-doodii ayaa midi ka maqnaa.
Halkaas oo Aweys na fursad aad u fiican uga soo baxday oo u saamaxaday inoo helo fursad uu garoonka kusoo galo, sidaana kooxdiisa ugu ciyaaro...Halkaasna uu ugu saxiixay goolkii guusha kooxdiisa.
Aweys oo ahaa nin aad u faan badnaa, ayaa sheeko qosol iyo xirfad leh, ka samaynaya sidii uu goolka, u dhaliyay...Habeenkii markii asxaabtiisii isku yimaadeen, iyo bartii kulanka, si loo faaqido ciyaartii maanta dhacday, ayaa Aweys isagoo is qal-qaloocinaya oo kibir ka muuqdo, iskana dhigaaya sidii wax ku dhaawac-may ciyaartii maanta, ayuu imanayaa bartii asxaabtu fadhiday...
Mid asxaabtiisa ka mida ayaa odhanaaya ''Heey Aweeys, yaakhii maanta gool aas kuu baxaayay!''
Aweys ayaa odhanaaya. ''Gool waa dhashaa laakiin sees ku dhashaa'' ... Haye Aweys see yeeshay??
Markaasuu sheekadii bilaabayaa iyo siduu goolka ku dhaliyay:
Aweys wuxuu yidhi ''Uundisho (number 11) aa soo karoosay, tartiib aa xabadka lagu dejistay noo, laysma dhibaayo, fiirso yaa. Koo oo duwa (number 2) oo dhoore ah, aa isa soo qaad-qaaday. Gab aa loo siiyay, intaas uu u booday, gab aa siiyay intaas lee u booday, (kolba dhinac ayuu tilmaamayaa) kaas waa u dhammaatay, ma soo laabanaayo noo!
Koo oo taree (number 3) ah xaar ka buux aas ahaa, noo orod aa lagu dhaafay (Isagoo u jeeda xaar baa ka buuxa, ismuu qaadi karayn, oo orod uun baan ku dhaafay)
Koo oo kuweetare (number 4) isaga caataas ahaa noo, ( wuu dhuubnaa buu u jeedaa) markaa isaga kaasi cajir lee loo saaray noo, ( Gabigii siiba bawadada ayuun baa lagu qabtay, ileen waa kan dhuubane)
Maxaa kuu soo haray noo? Boortihii, (Gool hayihii) Isaga weershe aa isaga dhigay noo, (sidii wax cawaran) badda aan u fiirshay noo, isaga xawayaankaas waxa uu u qaatay, in aan aniga badda rabo, laakiin aniga barriga aa rabaa, noo, intaa maan kaa dhigaa, mise intaa aan kaa dhigaa aan dhahay noo, intuu dhahay iga dhig, waxaanan dhahay qabso, shab aa ku siiyay, ee calafkaa waaye ee ka fuuqso!
