Published on June 8, 2013 by Xuseen Cabdi · 50 Comments
Kismaayo(AGGM) Waxaa hadda Saldhiga Booliska Magaalada Kismaayo ka socda dagaal aad u qaraar kaasi oo u dhexeya ciidamada raaskambooni iyo kooxaha ka soo horjeeda,waxaana dagaalkaasi la sheegayaa inay ku geeriyoodeen saraakiil sar sare oo ka tirsan Maamulka Raaskambooni kuwaasi oo la sheegayo inay yihiin rag xilal muhiim ah ka haya magaalada Kismaayo.
Xaalada magaalada ayaa ah mid kacsan waxaana dagaalkaasi yahay mid aad u culus isla markaasna khasaarihiisu sii xoogeysanayo,waxaana dagaalkaasi la sheegaya inay ku dhinteen kuna dhaawacmeen shacab aad u badan iyo maleeshiyaadka dagaalamaya u badan.
Saldhiga magaalada Kismaayo waxaa awal hore maamuli jiray ciidamada Raaskambooni,waxaana la sheegayaa inay halkaasi dib ugu soo gurteen ciidamadii raaskambooni,waxaana dagaalkaasi yahay mid xoogan oo labada dhinac u dhexeya.
Isbitaalka magaalada kismaayo ayaa ah mid aad u mashquulsan,waxaana lagu daabulayaa dhaawacii ka dhashay dagaalkaasi,waxaana wararku sheegayaan in sidoo kale ku dhaawacmeen saraakiil ka tirsan labada dhinac walow aan magacyadooda la sheegin.
Cawramale are dagaalyahano, never knew that
