Wallahi he placed Saleebaan in a really awkward position.
He has praised them:
Shikh.X.Dahir “Reer Cadaado waxaad tihiin Ansaarti oo kale,aan idiin duceeyo jihaadka ila wada”warkii ugu dambeeyay caawa.
Shikh.X.Dahir “Reer Cadaado waxaad tihiin Ansaarti oo kale,aan idiin duceeyo jihaadka ila wada”warkii ugu dambeeyay caawa.
Sh. Xasan Daahir Oo Wali Diidan talooyinki ay ula tageen 70 Oday Oo Cadaado uguTagay iyo kuwi halkaa joogay.
Wararkii ku soo kordhay xaaladda Sh. Xasan Daahir Aweys oo wali ku sugan Cadaado. Eragadii manta galinkii hore ka duushay Muqdisho ee gaaray Cadaado iyo odayaal ka kala yimid degmooyinka gobolka Galgaduud ayaa shir hordhac ah galay, waxayna isku qeybiyeen laba qeybood oo kala ah beelaha Saleebaan iyo Ceyr, waxaana lagu heshiiyay in marka hore ay beesha Saleebaan la kulmaan.
50 oday oo Saleebaan ah oo uu horkacayo Nabadoon Axmed Diiriye ayaa kulan dheer la yeeshay Xasan Daahir waxayna u sheegeen inay u wadaan nabad iyo badbaado, isla markaana ay banaanka ku sugayaan dhowr iyo labaatan oday oo beeshiisa Ceyr u dhashay. Waxayna kula taliyeen inuu aado Muqdisho oo damaanad nabad galyo lagu siin doono. Waxayna waydiiyeen halka uu jeclaan lahaa inuu uga sii gudbo degmada Cadaado.
Sh. Xasan Daahir oo aan wax yar fakarin ayaa hadalkii qaatay wuxuuna yiri “Saleebaanow degaankiinu wuxu gaaray horumar weyn, Cadaadana waan arkay oo si fiican bay u dhismatay, waxaan idinka rabaa manta inaad Ansaartii Nabi Maxamed oo kale aad noqotaan, oo aan idinkugu duceeyo sidii uu Nabi Maxamed ugu duceeyay Ansaar. Waxaan idiin wadaa Jihaad barakaysan, waxaanan rabaa inaan halkaan uga dhawaaqo ururkii Xisbul Islaam, halkaana ay noo noqoto xarun barakaysan oo laga sii wado Jihaadkii xaqaa ahaa… Amaanka aad Muqdisho ka sheegteen waxaa ka horeeyay damaanad iyo amaan ay ii balan qaadeen wadamada Qatar, Sucuudiga iyo Norway, dhamaantoodna waan ka diiday, dowlad Soomaaliyeed oo aanan aqoon saneyna kama yeelayo hada, ee Jihaadka ila qaata aan idiin duceeyee”
Markii uu hadalka ka baxay Sh. Xasan ayaa waxa qaatay mid ka mid ah odayaashii Saleebaan wuxuuna yiri “Sh. Xasanow dhismaha iyo horumarka aad ku aragtay Cadaado waa mid ay keeneen dadkii kasoo qaxay Jihaadkaagii Xamar. Adigana waxa hada Cadaado kaaga daba keenay waa Jihaadkaagii Xamar. Reer Cadaadana diyaar uma aha qixitaan iyo dagaal kalee, tolkaaga banaanka taagan ayaan kuusoo galinaynaa ee la kulan, wixi aad isku waafaqdaana noosoo sheega. Waxaadna ogaataa inaadan Cadaado sii joogi doonin ee dooro meeshii aad uga gudbi laheyd bari subax oo Jimce ah”
Halkaasna waxaa ku dhamaaday wajigii koowaad ee kulankii Saleebaan iyo Xasan Daahir. Kadibna waxa shir albaabadu u xiran yihiin wada galay Sh. Xasan iyo odayaasha tolkiisa, oo ay ka mid yihiin Ugaaska Ceyr, Janaral Indhacadde iyo Janaral Subxaany, kuwaasoo hada gabalku u dhacay, walina wax natiijo ay aysan kasoo bixin, waqtigaan aan qoraalka idiin soo gudbinayno oo ah Maqrin kadib xiliga geeska Afrika.
