Booliska dalka Yemen oo dilay Qaxooti Soomali ah
Sanca 18 Dec. 05 ( Sh.M.Network) Ugu yaraan saddex qaxooti Soomaaliyeed ah ayaa geeriyooday, iyadoo tobaneeyo kalena ay ku dhaawacmeen iska horimaadyo dhex maray iyaga iyo ciidamada amaanka Yemen ee ku sugan magaalada caasimada ee Sanca.
Isku-dhaca ayaa bilowday markii booliska ay cirka u rideen rasaas nool nool, si ay u kala eryaan boqolaal Soomaali ah ay dibadbax fadhiya ka sameynayey xafiisyada hay’ada Q.M u qaabilsan arrimaha qaxootiyada ee UNHCR, sida ay sheegeen dad goob joogayaal ah.
Waxaa sidoo kale la sheegay in iska horimaadkaasi ay ku dhawaacmeen ilaa shan ka tirsan booliska Yemen.
Dadka deegaanka ayaa sheegay in boolisku ay isticmaaleen sunta dadka kaga ilmeysiisa iyo budhadh si ay u kala eryaan dibadbaxayaasha Soomaalida, waxaana goobtaasi markiiba ugu dhintay laba nin iyo canug yar oo sagaal bilood jira, ka dib markii ay ku somoobeen gaaskii sunta ahaa ee la furay, waxaan sidoo kale xabsiga lo taxaabay tobaneeyo rag Soomaaliyeed ah oo gadoodsanaa.
Sida ay sheegtay wakaalada wararka u faafisa dalka Germany ee DPA, boqolaal haween iyo caruur Soomaali ah, ayaa la arkayey iyagoo agabkoodii la yuurara wadooyinka gala xafiisyada UNHCR ay ku leedahay xaafad la yiraahdo Hadda oo ka taalla galbeedka magaalada Sanca, iyadoo dadkaasi qaarkooda ay la booyayeen dhibaatada u geysteen booliska Yemen.
Saraakiisha booliska Yemen ee ku sugan goobta ayaa diiday in ay la hadlaan weriyayaasha, iyadoo mas’uuliyiinta UNHCR-na aanay si dhaqso ah uga hadli hadlin dhibaatada dhacday.
Mas’uuliyiinta Yemen waxa ay sheegeen in aduunka uu diyaariyey sidii ugu yaraan shan kun oo socota-sharci daro ah oo Soomaaliyeed dib loogu celin lahaa wadankooda, taasoo qeyb ka ah qorshe lagu rarayo qaxootiga ku sugan Yemen.
Sanad kasta, kumaan kun oo qaxooti Soomaaliyeed oo ka cararaya dagaalada dalkooda ama raadinaya nolol wanaagsan ayaa dalka Yemen ku gaara doonyo ay ka raacaan xeebaha bari ee dalka Soomaaliya.
Hay’ada UNHCR ayaa qiyaasaysa in ilaa konton kun oo Soomaali qaxooti ah ay galeen dalka Yemen ilaa markii ay bilowdeen dagaalada sokeeye ee dalka Soomaaliya sanadkii 1991-kii.
Shabelle Media Network, Yemen
} but yemenis are my brothers man , they grew up with us . I say shi.t about them , like I say sh.it
