SOMALINET NEWS ...Archives
CIIDAMO MAREYKAN AH OO TEGAY XEEBTA MEYDH EE G/SANAAG May 6, 2005
Ciidamadaan oo watay doonyaha dheereeya ayaa wararka halkaasi ka imaanaya waxaa ay sheegayaan inay su`aalo weydiiyeen dadka halkaasi ku dhaqan
Ciidamadan ayaa tiradooda lagu sheegay ilaa 20 askari,waxayna ka soo degeen markab kuwa dagaalka ah oo ay leeyihiin ciidamada marineska mareykanka kaasi oo ku sugan xeebaha soomaliya labadii todobaad ee u danbeeysay
Wararka ayaa intaa ku daraya in labada doonyood ay ku xirteen xeebta magaalada meydh waxaana shacabka ku dhaqan goobtaas ay tusayeen sawiro aan ilaa iminka la cadeeyn waxyaabaha ay muujinayaan
Dhinaca kale duyuurado uu jooggoodu hooseeyo oo ay wataan ciidamada mareykanka ayaadul heehaabay xeebaha Batalaale sidoo kale waxaa magaalada boosaaso lagu arkayay diyaaradaha noooca qumaatiga u kaca oo ay wataan ciidamada amerikanku
Muddooyinkan danbe ayaa waxaa jira dhaqdhaqaaqyo kala duwan oo dhinaca ciidanka ah oo ay wadaan wadamada mareykanka iyo jarmalka kuwaasi oo sida ay sheegeen baadigoob ugu jira argagixisada geeska afrika
Xasan dhaaleey
Dheel10@hotmail.com
Mogadishu Somalia